We trust each other. Why write company rules?
- BR09
- Duration 1:00
- Khmer audio
That depends on what your articles say.
Read the Khmer transcript
ដៃគូម្នាក់ ចង់លក់ភាគហ៊ុនរបស់គាត់ទៅឱ្យអ្នកខាងក្រៅ។ តើដៃគូម្នាក់ទៀត អាចរារាំងការលក់នេះបានទេ?
ចម្លើយ អាស្រ័យលើអ្វីដែលលក្ខន្តិកៈក្រុមហ៊ុនរបស់លោកអ្នកបានចែង។
លក្ខន្តិកៈក្រុមហ៊ុន គឺជាក្បួនច្បាប់របស់ក្រុមហ៊ុន ដែលចែងអំពីភាគហ៊ុន អភិបាល កិច្ចប្រជុំ និងភាគលាភ។ ចាប់ពីខែឧសភា ឆ្នាំ២០២៦ ក្រសួងពាណិជ្ជកម្មលែងដោះស្រាយពាក្យបណ្តឹង ដែលស្នើសុំរារាំងការផ្ទេរភាគហ៊ុនទៀតហើយ។ ដូច្នេះ ក្បួនច្បាប់ដែលលោកអ្នកសរសេរតាំងពីដំបូង កាន់តែសំខាន់ជាងមុន។
ឧទាហរណ៍ទីមួយ៖ លក្ខន្តិកៈអាចចែងថា ដៃគូដែលចង់លក់ភាគហ៊ុន ត្រូវផ្តល់ឱកាសឱ្យដៃគូម្នាក់ទៀតទិញភាគហ៊ុននោះមុនគេ។ ឧទាហរណ៍ទីពីរ៖ លក្ខន្តិកៈក៏អាចចែងថា ការសម្រេចចិត្តធំ ត្រូវមានការយល់ព្រមពីដៃគូទាំងពីរ។
ករណីដែលយើងខ្ញុំជួបញឹកញាប់ គឺម្ចាស់អាជីវកម្មចម្លងលក្ខន្តិកៈគំរូ ហើយពួកគាត់មិនដែលអានវាទេ រហូតដល់ពេលមានការខ្វែងគំនិតគ្នាលើកដំបូង។
ដូច្នេះ មុនពេលចុះបញ្ជីក្រុមហ៊ុន សូមព្រមព្រៀងគ្នាថា នរណាអាចលក់ភាគហ៊ុន នរណាជាអ្នកសម្រេចចិត្ត និងរបៀបដែលដៃគូម្នាក់អាចចាកចេញ។ បន្ទាប់មក សូមសរសេរចំណុចទាំងនេះចូលក្នុងលក្ខន្តិកៈ។
វគ្គបន្ទាប់៖ វិញ្ញាបនបត្រចុះបញ្ជីបានមកដល់ហើយ។ តើលោកអ្នកអាចចាប់ផ្តើមអាជីវកម្មពីថ្ងៃស្អែកបានទេ? សូមតាមដាន ដើម្បីកុំឱ្យខកខាន។