You stopped selling. Is the company closed?
- BR18
- Duration 0:56
- Khmer audio
A quiet company isn't a closed company. Its duties continue until it's formally closed.
Read the Khmer transcript
លោកអ្នកឈប់លក់ តាំងពីមួយឆ្នាំមុន។ ប៉ុន្តែតាមកំណត់ត្រារបស់រដ្ឋាភិបាល ក្រុមហ៊ុនរបស់លោកអ្នក នៅតែមិនទាន់បិទទេ។
ក្រុមហ៊ុនស្ងាត់ មិនមែនជាក្រុមហ៊ុនបិទទេ។ កាតព្វកិច្ចនៅតែបន្ត រហូតដល់ក្រុមហ៊ុនត្រូវបានបិទជាផ្លូវការ។
លិខិតប្រកាសពន្ធប្រចាំខែ និងប្រតិវេទន៍ប្រចាំឆ្នាំជូនក្រសួងពាណិជ្ជកម្ម នៅតែត្រូវដាក់។ បើខកខានដាក់ប្រតិវេទន៍នេះ ៣ ឆ្នាំជាប់គ្នា ម្ចាស់ភាគហ៊ុន និងអភិបាល នឹងត្រូវដាក់ក្នុងបញ្ជីប្រុងប្រយ័ត្ន ហើយមិនអាចចុះបញ្ជីក្រុមហ៊ុនថ្មីបានទេ។
ឧទាហរណ៍ទីមួយ៖ បើលោកអ្នកចង់ផ្អាកមួយរយៈខ្លី សូមស្នើសុំការផ្អាកសកម្មភាពអាជីវកម្មជាបណ្តោះអាសន្ន ពីអគ្គនាយកដ្ឋានពន្ធដារ ហើយបន្តដាក់លិខិតប្រកាសពន្ធ។ ឧទាហរណ៍ទីពីរ៖ បើលោកអ្នកចង់ឈប់ជាអចិន្ត្រៃយ៍ សូមជូនដំណឹងទៅពន្ធដារ ក្នុងរយៈពេល ១៥ ថ្ងៃ។ បន្ទាប់មក ក្រុមហ៊ុនត្រូវឆ្លងកាត់សវនកម្មពន្ធដារចុងក្រោយ ហើយទើបលោកអ្នកអាចបិទក្រុមហ៊ុននៅក្រសួងពាណិជ្ជកម្មបាន។
ករណីដែលយើងខ្ញុំជួបញឹកញាប់ គឺម្ចាស់អាជីវកម្មខ្លះ គ្រាន់តែឈប់ ដោយមិនបិទក្រុមហ៊ុនទេ ហើយទើបដឹងពីការផាកពិន័យ ច្រើនឆ្នាំក្រោយមក។
ដូច្នេះ សូមសម្រេចចិត្តឱ្យបានឆាប់ ថាត្រូវផ្អាក ឬបិទ ហើយដើរតាមផ្លូវនោះ រហូតដល់ទីបញ្ចប់។
នេះជាវគ្គចុងក្រោយ។ សូមតាមដាន Fourmi & Partners ដើម្បីទទួលបានមេរៀនបែបនេះបន្ថែមទៀត។