Why isn't your word enough?
- CISA S03 · V15
- Duration 1:13
- Khmer audio
Keep supporting documents organised and easy to find, for example original invoices and signed contracts. It saves days at audit time.
Read the Khmer transcript
លោកអ្នកប្រាប់សវនករឯករាជ្យថាតួលេខត្រូវហើយ។ ហេតុអ្វីគាត់នៅតែទាមទារឯកសារ?
បើមតិយោបល់សវនករផ្អែកតែលើពាក្យគណៈគ្រប់គ្រង នោះគ្មានតម្លៃបន្ថែមឡើយ។ ម្ចាស់ភាគហ៊ុន និងអ្នកវិនិយោគ នឹងត្រឡប់ទៅចំណុចដើមដដែល។
តាម ISA 500 សវនករត្រូវរកភស្តុតាងសវនកម្មសមស្រប និងគ្រប់គ្រាន់៖ គឺមានបរិមាណគ្រប់គ្រាន់ និងគុណភាពសមស្រប។ ភស្តុតាងពីខាងក្រៅ ឧទាហរណ៍ របាយការណ៍ធនាគារ ឬវិក្កយបត្រអ្នកផ្គត់ផ្គង់ ជាទូទៅគួរឱ្យទុកចិត្តជាងតារាង Excel ផ្ទៃក្នុង ហើយឯកសាររឹងមាំជាងចម្លើយផ្ទាល់មាត់។
ឧទាហរណ៍ ក្រុមហ៊ុនពាណិជ្ជកម្មមួយបង្ហាញតារាង Excel ថាទិញទំនិញ ៨ម៉ឺនដុល្លារ។ សវនកររើសប្រតិបត្តិការមួយចំនួនផ្ទៀងផ្ទាត់ជាមួយវិក្កយបត្រអ្នកផ្គត់ផ្គង់ និងការទូទាត់ធនាគារ។ ដោយសារតារាងនេះត្រូវបានរៀបចំដោយក្រុមហ៊ុន សវនករក៏ពិនិត្យថាតើតារាងនេះពេញលេញ និងត្រឹមត្រូវដែរឬទេ។
មនុស្សជាច្រើនគិតថា សវនករសង្ស័យភាពស្មោះត្រង់របស់ពួកគេ។ តាមពិត មតិយោបល់សវនករត្រូវផ្អែកលើភស្តុតាង មិនមែនការទុកចិត្តទេ ព្រោះម្ចាស់ភាគហ៊ុន និងអ្នកវិនិយោគខាងក្រៅពឹងលើវា។
លោកអ្នកគួរទុកឯកសារឱ្យមានរបៀប និងងាយរក ឧទាហរណ៍ វិក្កយបត្រដើម និងកិច្ចសន្យាចុះហត្ថលេខា។ វាជួយសន្សំពេលច្រើនពេលធ្វើសវនកម្ម។
វគ្គបន្ទាប់៖ ហេតុអ្វីសវនករចូលរួមការរាប់ស្តុកទំនិញរបស់លោកអ្នក?