Skip to main content
    Episode 6 of 7

    Why do well-prepared clients get faster audits?

    • CISA S05 · V34
    • Duration 1:17
    • Khmer audio

    Ask for the document list early, agree a date for each item, and name one person to coordinate with the auditor.

    Episode 6 of 7

    Read the Khmer transcript

    ក្រុមហ៊ុនពីរទំហំប៉ុនគ្នា សវនកម្មឯករាជ្យក្រុមហ៊ុនមួយចំណាយ ២សប្តាហ៍ តែមួយទៀតដល់ ២ខែ។ ហេតុអ្វី?

    ការពន្យារពេលច្រើនតែមកពីការរង់ចាំ ដូចជារង់ចាំរបាយការណ៍ធនាគារ ឬតារាងដែលតួលេខមិនត្រូវគ្នានឹងសៀវភៅធំ។ រាល់ការរង់ចាំ សុទ្ធតែបន្ថែមពេល និងចំណាយ។

    តាម ISA 300 សវនកររៀបចំផែនការទុកជាមុន។ ជាក់ស្តែង សវនករផ្ញើបញ្ជីឯកសារដែលត្រូវការ ច្រើនហៅថាបញ្ជី PBC មកពីពាក្យ «រៀបចំដោយអតិថិជន» (prepared by client)។ ពេលក្រុមហ៊ុនប្រគល់ព័ត៌មានដែលពេញលេញ និងបានផ្ទៀងផ្ទាត់រួចទាន់ពេល ការតេស្តអាចចាប់ផ្តើមភ្លាមៗ ដោយមានសំណួរតិច។

    ឧទាហរណ៍ ថ្ងៃដំបូង ក្រុមហ៊ុនពាណិជ្ជកម្មប្រគល់ឯកសារផ្ទៀងផ្ទាត់ធនាគារ បញ្ជីទ្រព្យសកម្មថេរ និងបញ្ជីអតិថិជន និងអ្នកផ្គត់ផ្គង់ដែលមានតួលេខត្រូវគ្នានឹងសៀវភៅធំ។ គណនេយ្យករមានពេលឆ្លើយសំណួរ ហើយសវនកម្មចប់មុន ៣សប្តាហ៍។

    មនុស្សជាច្រើនគិតថា សវនករគួររៀបចំតារាង។ តាមពិត នោះជាការកាន់បញ្ជីគណនេយ្យ។ បើសវនកររៀបចំអ្វីដែលខ្លួនធ្វើសវនកម្ម វាបង្កើតការគំរាមកំហែងពីការត្រួតពិនិត្យការងារខ្លួនឯង តាមក្រមសីលធម៌សម្រាប់គណនេយ្យករវិជ្ជាជីវៈ (IESBA Code)។

    សូមសុំបញ្ជីឯកសារទុកជាមុន ព្រមព្រៀងកាលបរិច្ឆេទឱ្យច្បាស់ និងចាត់តាំងមនុស្សម្នាក់ សម្របសម្រួលជាមួយសវនករ។

    វគ្គបន្ទាប់៖ ចុះបើលោកអ្នក មិនយល់ស្របជាមួយសវនករ?

    Cookies on this site

    Essential cookies only, unless you allow analytics or advertising.