Skip to main content
    Business Registration in Cambodia — Rebuilt · Season 02

    Can you register your company yourself?

    • BR07
    • Duration 0:56
    • Khmer audio

    Yes. One online portal joins them in a single application.

    Follow this season

    Read the Khmer transcript

    ទម្រង់បែបបទតាមអនឡាញតែមួយ សម្រាប់ស្ថាប័នបី។ តើលោកអ្នកអាចចុះបញ្ជីក្រុមហ៊ុនដោយខ្លួនឯងបានទេ?

    លោកអ្នកអាចធ្វើបាន។ ប្រព័ន្ធចុះបញ្ជីអាជីវកម្មតាមអនឡាញ ភ្ជាប់ស្ថាប័នទាំងបីនេះ ក្នុងពាក្យស្នើសុំតែមួយ។

    ជាដំបូង សូមបង្កើត CamDigiKey ដែលជាអត្តសញ្ញាណឌីជីថលរបស់លោកអ្នក។ បន្ទាប់មក ពាក្យស្នើសុំតែមួយ ប្រើបានសម្រាប់ក្រសួងពាណិជ្ជកម្ម អគ្គនាយកដ្ឋានពន្ធដារ ព្រមទាំងក្រសួងការងារ និងបណ្តុះបណ្តាលវិជ្ជាជីវៈ។ បើឯកសាររបស់លោកអ្នកពេញលេញ ប្រព័ន្ធនេះមានគោលដៅបញ្ចប់ការចុះបញ្ជីទាំងបី ក្នុងរយៈពេល ៨ ថ្ងៃធ្វើការ។

    មានកិច្ចការពីរ ដែលត្រូវធ្វើនៅក្រៅប្រព័ន្ធនេះ។ ឧទាហរណ៍ទីមួយ៖ ការផ្លាស់ប្តូរនៅពេលក្រោយ ដូចជាការតែងតាំងអភិបាលថ្មី ត្រូវធ្វើតាមរយៈប្រព័ន្ធផ្ទាល់របស់ក្រសួងពាណិជ្ជកម្ម។ ឧទាហរណ៍ទីពីរ៖ ភោជនីយដ្ឋាន ក៏ត្រូវមានអាជ្ញាប័ណ្ណទេសចរណ៍ដាច់ដោយឡែកដែរ។

    ករណីដែលយើងខ្ញុំជួបញឹកញាប់ គឺមានអ្នកផ្សេងចុះបញ្ជីជំនួសម្ចាស់អាជីវកម្ម ហើយម្ចាស់អាជីវកម្មមិនដែលបានទទួលគណនីចូលប្រើប្រព័ន្ធមកវិញទេ។

    ដូច្នេះ សូមរក្សា CamDigiKey និងគណនីចូលប្រើប្រព័ន្ធ នៅក្រោមការគ្រប់គ្រងផ្ទាល់របស់លោកអ្នក ទោះបីមាននរណាម្នាក់ជួយលោកអ្នកក៏ដោយ។

    វគ្គបន្ទាប់៖ ហេតុអ្វីបានជាពាក្យស្នើសុំ ត្រូវបានបដិសេធ? សូមតាមដាន ដើម្បីកុំឱ្យខកខាន។

    Cookies on this site

    Essential cookies only, unless you allow analytics or advertising.