Why get an audit at all?
- CISA S01 · V01
- Duration 1:10
- Khmer audio
Numbers outsiders can trust help your company bring in investors, keep shareholders confident, and borrow when it needs to.
Read the Khmer transcript
លោកអ្នកស្គាល់តួលេខក្រុមហ៊ុនច្បាស់។ ចុះហេតុអ្វីត្រូវជួលសវនករឯករាជ្យមកពិនិត្យ?
សូមគិតដល់អ្នកក្រៅ៖ ម្ចាស់ភាគហ៊ុន អ្នកវិនិយោគ ឬអ្នកផ្តល់ប្រាក់កម្ចី។ ពួកគេមិនអាចផ្ទៀងផ្ទាត់វិក្កយបត្រគ្រប់សន្លឹកឡើយ។ បើគ្មានការពិនិត្យឯករាជ្យ ពួកគេមានតែជឿសម្តីលោកអ្នក ឬដកថយ។
តាម ISA 200 សវនកម្មបង្កើនទំនុកចិត្តដល់អ្នកប្រើប្រាស់របាយការណ៍ហិរញ្ញវត្ថុ។ សវនករស្វែងរកសេចក្តីធានាសមហេតុផលថា របាយការណ៍ទាំងមូលគ្មានការខុសឆ្គងជាសារវន្តដែលបណ្ដាលមកពីការក្លែងបន្លំ ឬកំហុស។ បន្ទាប់មក សវនករផ្តល់មតិយោបល់។
ឧទាហរណ៍ អ្នកវិនិយោគម្នាក់ចង់ទិញភាគហ៊ុន ៣០% នៃក្រុមហ៊ុនស្រូវអង្ករមួយ ក្នុងតម្លៃ ៣០ម៉ឺនដុល្លារ។ ពេលឃើញមតិយោបល់មិនកែប្រែ គាត់អាចពឹងលើរបាយការណ៍ហិរញ្ញវត្ថុដោយទំនុកចិត្តខ្ពស់ ជាមូលដ្ឋានកំណត់តម្លៃ។
មនុស្សជាច្រើនគិតថា សវនកម្មគ្រាន់តែជាឯកសាររដ្ឋបាលសម្រាប់អាជ្ញាធរ។ តាមពិត គឺសម្រាប់អ្នកដែលពឹងផ្អែកលើតួលេខ។ បើច្បាប់តម្រូវឱ្យធ្វើសវនកម្ម របាយការណ៍ហិរញ្ញវត្ថុក៏ត្រូវដាក់ជូននិយ័តករគណនេយ្យ និងសវនកម្មដែរ។
តួលេខដែលគួរឱ្យទុកចិត្ត ជួយឱ្យក្រុមហ៊ុនទាក់ទាញអ្នកវិនិយោគ រក្សាទំនុកចិត្តរបស់ម្ចាស់ភាគហ៊ុន និងខ្ចីប្រាក់បានកាន់តែងាយស្រួលនៅពេលត្រូវការ។
វគ្គបន្ទាប់៖ តើសវនកម្មឯករាជ្យ និងសវនកម្មពន្ធដារ ដូចគ្នាទេ?