Skip to main content
    CIFRS for SMEs · Season 04

    Why do "sold" invoices sometimes stay on the books?

    • S04E04
    • Duration 1:31
    • Khmer audio

    How invoice financing affects the receivable and the related borrowing.

    Follow this season

    Read the Khmer transcript

    ក្រុមហ៊ុនលក់វិក្កយបត្រ ១០ម៉ឺនដុល្លារ ឱ្យធនាគារ ហើយទទួលលុយ

    ៩ម៉ឺន៥ពាន់ដុល្លារភ្លាម។

    តើវិក្កយបត្រទាំងនោះ បាត់ពីបញ្ជីហើយឬនៅ?

    បើគ្រាន់តែសរសេរក្នុងកិច្ចសន្យាថា "លក់" ហើយលុបវិក្កយបត្រចេញ

    របាយការណ៍ស្ថានភាពហិរញ្ញវត្ថុអាចមិនបង្ហាញប្រាក់កម្ចីដែលក្រុមហ៊ុនមាន។

    បំណុលមើលទៅតិច ទោះបីហានិភ័យដែលអតិថិជនមិនបង់

    នៅតែធ្លាក់មកលើក្រុមហ៊ុនដដែលក៏ដោយ។

    ស្ដង់ដារសួរថា តើហានិភ័យ និងផលប្រយោជន៍

    ត្រូវបានផ្ទេរស្ទើរតែទាំងស្រុងឬទេ។

    បើធនាគារអាចទាមទារលុយវិញ ពេលអតិថិជនមិនបង់

    ហានិភ័យនៅតែជារបស់ក្រុមហ៊ុនលោកអ្នក។

    វិក្កយបត្រត្រូវនៅក្នុងបញ្ជីដដែល ហើយលុយពីធនាគារ

    ជាប្រាក់កម្ចីមានវិក្កយបត្រធានា។

    នេះជាការមើលខ្លឹមសារសេដ្ឋកិច្ចជាអាទិភាពជាងទម្រង់ច្បាប់

    ដូចស្តុកទំនិញដែល “លក់” ហើយទិញត្រឡប់មកវិញ ក្នុងវីដេអូទី៥។

    ឧទាហរណ៍ កិច្ចសន្យាពីរ។

    ទីមួយ បើអតិថិជនមិនបង់ ធនាគារខាតខ្លួនឯង។

    វិក្កយបត្រ ១០ម៉ឺនដុល្លារ ត្រូវលុបចេញ ហើយ ៥ពាន់ដុល្លារ

    ជាការខាតពីការលក់។

    ទីពីរ ក្រុមហ៊ុនត្រូវទិញវិក្កយបត្រវិញ បើអតិថិជនហួសកាលកំណត់លើស ១២០ថ្ងៃ។

    ពេលនោះ វិក្កយបត្រ ១០ម៉ឺនដុល្លារ នៅតែជាទ្រព្យសកម្ម ហើយ

    ៩ម៉ឺន៥ពាន់ដុល្លារ ជាប្រាក់កម្ចី។

    មនុស្សជាច្រើនគិតថា ពេលកិច្ចសន្យាសរសេរថា "លក់"

    វិក្កយបត្របាត់ពីបញ្ជីហើយ។

    តាមពិត អ្វីដែលសម្រេច គឺអ្នកណាទទួលហានិភ័យពេលអតិថិជនមិនបង់។

    ការលក់គណនីអតិថិជន ដោយធនាគារមានសិទ្ធិទាមទារវិញពេញលេញ

    គឺជាការខ្ចីលុយ មិនមែនការលក់ទេ។

    បើសិទ្ធិទាមទារវិញមានកម្រិត ត្រូវវិភាគបន្ថែម។

    មុនចុះហត្ថលេខាលើកិច្ចសន្យាហិរញ្ញប្បទានវិក្កយបត្រ

    អានប្រការអំពីវិក្កយបត្រដែលមិនបានបង់ឱ្យច្បាស់។

    បើលោកអ្នកត្រូវសងធនាគារវិញ

    ប្រាក់កម្ចីនឹងត្រូវបង្ហាញក្នុងរបាយការណ៍ស្ថានភាពហិរញ្ញវត្ថុ

    ហើយអាចប៉ះពាល់ដល់លក្ខខណ្ឌប្រាក់កម្ចីផ្សេងទៀតរបស់លោកអ្នក។

    វគ្គបន្ទាប់៖ ហេតុអ្វីប្រាក់ពីម្ចាស់ហ៊ុន ពេលខ្លះជាបំណុល មិនមែនមូលធន?

    View the published reel on Facebook

    Cookies on this site

    Essential cookies only, unless you allow analytics or advertising.